انٹرنیشنلپاکستانشوبزصفحہ اول

مسز سری لنکا کو فاتح تاج پہنا کر سابقہ ملکہ حسن نے واپس لےلیا

 ویب ڈیسک : مسز سری لنکا 2021  موقابلے کی فاتح پشپیکا ڈی سلوا کو تاج پہنایا گیا اور کچھ ہی دیر بعد سابق ملکہ حسن نے فاتح حسن کو طلاق یافتہ ہونے پر مقابلے سے باہر کرتے ہوئے تاج رنز اپ کے سر پر سجا دیا۔

کولمبو میں شادی شدہ خواتین کے مقابلہ حسن کے سب سے بڑے ایونٹ ’’مسز سری لنکا‘‘ کی فاتح پشپیکا ڈی سلوا کی کامیابی کا اعلان کیا گیا اور اسٹیج پر تاج بھی پہنایا گیا۔ یہ مناظر سرکاری ٹیلی وژن پر براہ راست دکھائے جا رہے تھے۔

ایونٹ میں اُس وقت بدمزگی پیدا ہوگئی جب 2019 کی فاتح حسینہ کیرولین جوری نے پشپیکا ڈی سلوا پر طلاق یافتہ ہونے کا الزام عائد کرتے ہوئے تاج اتار کر رنز اپ کے سر پر سجا دیا اور انتظامیہ کو یاد دلایا کہ مقابلے کے قانون کی رو سے مقابلے میں شادی شدہ خواتین حصہ لے سکتے ہیں، طلاق یافتہ نہیں۔

پشپیکا ڈی سلوا تاج اترنے کے بعد ناراض ہو  گئی اور  اسٹیج سے واپس چلی گئیں۔ تاج اتارنے کے دوران ان کے سر پر چوٹیں بھی آئی ۔  پشپیکا نے فیس بک پر اپنی پوسٹ میں وضاحت دی کہ میری شوہر سے طلاق نہیں صرف علیحدگی ہوئی ہے۔

پشپیکا نے کہا کہ یہ درست ہے میں علیحدہ رہتی ہوں لیکن ابھی ہمارے درمیان طلاق نہیں ہوئی ہے۔ طلاق اور علیحدگی دو الگ معاملات ہیں۔

مقابلہ حسن کے منتظمین نے پشپیکا کی وضاحت کے بعد چھان بین کی اور مسز ڈی سلوا کو سچا پایا جس کے بعد نہ صرف معذرت کی بلکہ پشپیکا کو دوبارہ تاج لوٹا دیا گیا۔ مسز سری لنکا کا شمار ملک کے بڑے مقابلوں میں ہوتا ہے جس میں ملک کے وزیر اعظم کی اہلیہ نے بھی شرکت کی تھی۔

Tags
Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close