آصف زرداری اور فریال تالپورکا نام اسٹاپ لسٹ میں ڈال دیا

ایف آئی اے نےسابق صدرآصف زرداری اور ان کی ہمشیرہ فریال تالپورکا نام اسٹاپ لسٹ میں ڈال دیا جس کے دونوں ملک سے باہر نہیں جا سکتے۔

وفاقی تحقیقاتی ادارے نے شریک چیئرمین پی پی اورہمشیرہ کا نام جعلی اکاؤنٹس ازخود نوٹس کیس میں سپریم کورٹ کے احکامات کے تحت اسٹاپ لسٹ میں ڈالا۔

ایف آئی اے کے مطابق اسٹاپ لسٹ میں نام آنے کے بعد آصف زرداری اور فریال تالپور ملک سے باہر نہیں جا سکتے جبکہ کیس میں نامزد دیگر افرادطحٰہ رضا،اسلم رضا،عدیل شاہ راشدی بھی باہر نہیں جا سکیں گے۔

ڈی جی ایف آئی اے نے تمام افراد کو باہر جانے سے روکنے کے احکامات جاری کردیے۔

 گزشتہ روز چیف جسٹس نے تمام جعلی بینک اکاؤنٹ ہولڈرز کے نام ای سی ایل میں ڈالنے کے احکامات دیے تھے جس کے بعد ایف آئی اے نے فوری اقدامات کے ممکنہ بیرون ملک روانگی روکنے کے لیے فی الحال ملزمان کے نام اسٹاپ لسٹ میں ڈال دیے ہیں۔

Leave a Reply

Your email address will not be published. Required fields are marked *