عملی طور پر کام کر کے دکھانا بہت مشکل ہوتا ہے’وزیراعظم

وزیر اعظم شاہد خاقان عباسی کا کہنا ہے کہ مشکل کام کوحقیقت میں تبدیل کردیا۔ ملک میں ترقی جمہوریت کی بدولت ہے، عملی طور پر کام کر کے دکھانا بہت مشکل ہوتا ہے۔

 وزیر اعظم شاہد خاقان عباسی نے وفاقی دارالحکومت اسلام آباد کے نئے ایئرپورٹ اسلام آباد انٹرنیشل ایئرپورٹ کا افتتاح کیا۔

اس موقع پر خطاب کرتے ہوئے ان کا کہنا تھا کہ ایک مشکل کام کو حقیقت میں تبدیل کر دیا۔ نیو اسلام آباد ایئر پورٹ ملک کا بہترین منصوبہ تھا۔ ہوائی سفر اب ایک ضرورت بن گیا ہے۔

وزیر اعظم نے کہا کہ حکومت نے ایئر پورٹ کی تکمیل کی اور نتیجہ آپ کے سامنے ہے۔ نیا اسلام آباد ایئر پورٹ عالمی معیار کا ہوائی اڈہ ہے۔ حکومت نے پرانے منصوبے مکمل کیے اور نئے منصوبے بنائے۔

وزیر اعظم کا کہنا تھا کہ نیو اسلام آباد ایئر پورٹ پرائیوٹ سیکٹر کی شراکت سے تعمیر پہلا ایئر پورٹ ہے۔ کوئٹہ اور پشاور ایئر پورٹس کی تزئین و آرائش آخری مراحل میں ہے۔ لاہور، فیصل آباد اور سیالکوٹ کے ایئر پورٹس بھی جدید بنا رہے ہیں۔

انہوں نے کہا کہ ہوائی اڈہ گزشتہ 5 سال کی حکومتی کارکردگی کی مثال ہے۔ یہ منصوبہ اقتصادی ترقی کے لیے گیٹ وے ثابت ہوگا۔ ہم نے جو منصوبے شروع کیے وہ مکمل بھی کیے۔

ان کا کہنا تھا کہ ملتان، فیصل آباد میں ایئر پورٹ منصوبے مکمل کیے۔ پشاور سے کراچی ہائی ویز منصوبے مکمل ہو رہے ہیں۔ ملک میں ہزاروں کلو میٹر شاہراہیں بن رہی ہیں۔

وزیر اعظم نے کہا کہ گیس کی طلب اور رسد کا فرق ختم کیا۔ 10 ہزار میگا واٹ سے زائد بجلی سسٹم میں شامل کی۔ اسلام آباد ایئر پورٹ کا منصوبہ کئی سال سے التوا کا شکار تھا۔ ملک میں ہزاروں کلو میٹر شاہراہیں بن رہی ہیں۔

انہوں نے کہا کہ حکومتی اقدامات پر تنقید کرنا بہت آسان بات ہے۔ بے شمار مسائل کے باوجود بہترین انداز میں کام کیا۔ بے شمار چیلنجز میں حکومت کرنا آسان نہیں ہوتا۔ عملی طور پر کام کر کے دکھانا بہت مشکل ہوتا ہے۔

وزیر اعظم نے مزید کہا کہ وقت کے ساتھ چلنا ہے تو جدید ٹیکنالوجی اپنانا ہوگی۔ ملک میں ترقی جمہوریت کی بدولت ہے، ’کسی ملک نے جمہوریت کے بغیر ترقی نہیں کی‘۔

Leave a Reply

Your email address will not be published. Required fields are marked *