مشہور و معروف بھارتی اداکار ششی کپور چل بسے

مشہور و معروف بھارتی اداکار ششی کپور چل بسے، ان کی عمر 79 برس تھی، وہ گزشتہ کافی عرصے میں مختلف بیماریوں کا شکار تھے

بھارتی میڈیا کے مطابق بھارت کے مایہ ناز اداکار ششی کپور ممبئی کے اسپتال میں انتقال کر گئے، ان کی عمر 79 برس تھی، وہ کافی عرصے سے ڈاکٹروں کی زیر نگرانی تھے، انہیں بڑھاپے کے باعث کئی بیماریوں کا سامنا تھا۔

ماضی کے جانے مانے فلم اسٹار ششی کپور کو 2011ء میں پدما بھوشن ایوارڈ جبکہ 2015ء میں دادا صاحب پھالکے ایوارڈ سے نوازا گیا، انہوں نے ڈیڑھ سو سے زائد فلموں میں اداکاری کے جوہر دکھائے، انہوں کئی فلمیں پروڈیوس اور ڈائریکٹ بھی کیں، جن میں عجوبہ، جنون اور کلیوگ شامل ہیں، انہوں نے 1988ء ،میں روسی فلم میں کی بھی ہدایتکاری کی۔

Leave a Reply

Your email address will not be published. Required fields are marked *