کوئٹہ میں فورسز پر حملے 6 اہلکار شہید

 

 

کوئٹہ کے نواحی علاقے نیو سریاب میں قومی شاہراہ پر ایلیٹ فورس کا ٹرک 29 اہلکاروں کو لے کر اپنے معمول کے مطابق اسی سڑک پر رواں دواں تھا کہ اچانک ٹرک کے قریب زوردار دھماکا ہوگیا۔
دھماکے کے نتیجے میں ایلیٹ فورس کے 5 اہلکار اور 2 راہگیر شہید ہوگئے جب کہ متعدد زخمی ہوئے ہیں۔دھماکا اس قدر شدید تھا کہ ایلیٹ فورس کا ٹرک مکمل طور پر تباہ ہوگیا جب کہ جائے وقوعہ پر ایک گاڑی اور موٹرسائیکل کو بھی نقصان پہنچا۔دھماکے کے بعد امدادی رضاکاروں نے فوری طور پر موقع پر پہنچ کر زخمیوں کو قریبی اسپتالوں میں منتقل کردیا۔واقعے کے بعد سیکیورٹی فورسز کی بھاری نفری نے جائے وقوعہ کو گھیرے میں لیتے ہوئے شواہد اکٹھے کرنا شروع کردیے جب کہ صوبائی وزیر داخلہ میر سرفراز بگٹی نے بھی جائے وقوعہ پر پہنچ کر جائزہ لیا۔ 

دوسری جانب کوئٹہ کے ہی علاقے قمبرانی روڈ پر دہشت گردوں نے پولیس انسپکٹر کو فائرنگ کا نشانہ بنایا جس سے پولیس افسر شہید ہوگیا۔ذرائع کے مطابق پولیس افسر کی شناخت عبدالسلام کے نام سے ہوئی ہے جو کاؤنٹر ٹیررازم ڈیپارٹمنٹ میں تعینات تھا۔

 

Leave a Reply

Your email address will not be published. Required fields are marked *