راول ڈیم سینکڑوں مچھلیاں ہلاک اور راول پنڈی شہر کو پانی کی سپلائی معطل

اسلام آباد

راول ڈیم میں سینکڑوں مچھلیاں ہلاک اور راول پنڈی شہر کو پانی کی سپلائی معطل۔واسا کے مطابق ڈیم کے پانی میں زہر نہیں لیکن اتنی بڑی تعداد میں مچھلیوں کی ہلاکت سوالیہ نشان ہے۔

محکمہ فشریز کی مدعیت میں تھانہ سیکریٹریٹ میں درج ایف آئی آر میں بااثر مافیا پر پانی میں زہر ملانے کا الزام عائد کیا گیا جس کے بعد راولپنڈی شہر کو پانی فراہمی معطل کردی گئی تھی۔محکمہ فشریز حکام کا کہنا ہےکہ ڈیم میں مچھلیاں پکڑنے اور کشتی رانی پر پابندی عائد ہے جس کی وجہ سے مافیا کو مچھلیاں پکڑنے سے روکنے پر اس نے ڈیم کے پانی میں زہر ملا دیا جس سے اب تک تین دنوں میں ہزاروں مچھلیاں ہلاک ہوچکی ہیں۔

دوسری جانب اسلام آباد کے ڈپٹی کمشنر کے مطابق راول ڈیم کے پانی کا این اے آر سی سے معائنہ کروایا گیاپانی میں کسی قسم کا کوئی زہریلہ مادہ نہیں پایاگیا۔پانی اور مردہ مچھلیوں کے سیمپل این آئی ایچ اورپی سی ایس ڈبلیو آر کو بھی بجھوا دیے گئے ہیں۔واسا بھی روزانہ کی بنیاد پر راول ڈیم کے پانی کے ٹیسٹ روزانہ کی بنیاد پر کر رہا ہے مردہ مچھلیوں اور پانی کے سیمپل فرانزک معائنہ کے لیے لاہور بھجوا دیے گئے ہیں۔راول ڈیم اور اس کے اطراف میں مچھلی کے ہر قسم کے شکار پر پابندی عائد کر دی گئی ہےراول ڈیم کو سختی سے مانیٹر کیا جائے گا اور لیبارٹری ٹیسٹ آنے تک مچھلی کی پکڑ پر پابندی ہوگی ۔

Leave a Reply

Your email address will not be published. Required fields are marked *