لاہور میں نامعلوم افراد کی جانب سے صحافی اسد کھرل کو تشدد کا نشانہ بنایا گیا

 سماجی ویب ٹویٹر پر  صحافی اسد کھرل کو ہراساں کرنے کے واقعہ پر تشویش کا اظہار کیا گیا۔

لاہور میں منگل کو رات گئے صحافی اسد کھرل کے ساتھ اندوہناک واقعات رونما ہوئے۔ پہلے نامعلوم افراد کی جانب سے سینیر صحافی اسد کھرل کو تشدد کا نشانہ بنایا گیا۔

پولیس کے مطابق اسد کھرل ائیرپورٹ کے قریب اپنے گھر جا رہے تھے، کہ نامعلوم افراد نے تشدد کیا۔ پولیس کے مطابق اسد کھرل کا کہنا ہے کہ حملہ آور ان کے دونوں موبائل فون بھی چھین کر ساتھ لے گئے

 دوسری جانب سوشل میڈیا پر سرگرم  صحافی اسد کھرل پر تشدد کی اطلاعات بھی رات بھر گردش کرتی رہیں، جس پر  صحافیوں  نے بھی ٹویٹ میں افسوس اور پریشانی کا اظہار کیا۔