پاکستان عوامی راج پارٹی کے سربراہ جمشید دستی کی والدہ انتقال کر گئیں۔ متوفیہ کو آبائی قبرستان میں سپرد خاک کردیا گیا۔

 قومی اسمبلی کے سابق رکن اور عوامی راج پارٹی کے سربراہ جمشید دستی کی والدہ غلام سکینہ کو طبیعت خراب ہونے پر نشتر اسپتال ملتان داخل کیا گیا تھا۔

اسپتال میں جمشید دستی کی والدہ کی طبیعت کوشش کے باوجود نہ سنبھل سکی اور دورانِ علاج ہی ان کا قضائے الہٰی سے انتقال ہو گیا۔

متوفیہ غلام سکینہ کی نمازِ جنازہ فرید کالونی میں ادا کی گئی جس کے بعد انھیں آبائی قبرستان واقع بستی دھل والا میں سپرد خاک کردیا گیا۔

نماز جنازہ میں سابق ممبران اسمبلی، سیاست دانوں، بلدیاتی نمائندوں، سرکاری افسران، وکلا اور صحافیوں سمیت سینکڑوں شہریوں نے شرکت کی۔