اسلام آباد: حکومت کی جانب سے پٹرولیم مصنوعات کی قیمتوں میں کمی کا اعلان کردیا گیا ہے۔


تفصیلات کے مطابق پٹرول 4 روپے 86 پیسے فی لیٹرسستا ہوکر 90 روپے97 پیسے فی لیٹر ہوگیا ہے جب کہ ڈیزل 4 روپے 26 پیسے سستا ہوکر 106 روپے 68 پیسے فی لیٹر ہوگیا ہے۔


مٹی کے تیل میں 52 پیسے کمی کردی گئی ہے جس کے بعد نئی قیمت 82 روپے 98 پیسے فی لیٹر ہوگی ہے اور لائٹ ڈیزل میں 2 روپے 16 پیسے کمی کی گئی ہے، نئی قیمت 75 روپے 28 پیسے فی لیٹر ہوگی۔

پٹرولیم مصنوعات کی نئی قیمتوں کا اطلاق آج رات 12 بجے سے ہوگا۔
واضح رہے کہ 28 دسمبر کو آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں ساڑھے 9 روپے کمی کی سفارش کی تھی۔
اوگرا نے یکم جنوری سے پیٹرولیم مصنوعات کی قیمتوں میں کمی کی سمری پیٹرولیم ڈویژن کو ارسال کر دی تھی۔ جس میں ہائی اسپیڈ ڈیزل کی قیمت میں 15روپے، پٹرول کی قیمت میں ساڑھے 9 روپے، لائٹ ڈیزل کی قیمت میں 2 روپے اور مٹی کے تیل کی قیمت میں 25 پیسے فی لیٹر کمی کی سفارش کی گئی تھی۔